අටවැනි අභිනව පාර්ලිමේන්තුවට තේරී පත්වූ මන්ත්‍රීවරයන් වෙනුවෙන් දැනුවත් කිරීමේ වැඩමුළුවක් අද (10) සහ හෙට (11) පැවැත්වේ. මෙම වැඩමුළුව, අද පෙ.ව. 8.30 සිට ප.ව. 5.00 දක්වා ද, හෙට (11) පෙ.ව. 9.00 සිට ප.ව. 5.00 දක්වා ද පාර්ලිමේන්තුවේ කාරක සභා කාමර අංක 01 හිදී පැවැත්වේ.
මෙම වැඩමුළුව තුළින් පාර්ලිමේන්තු පරිචයන් සහ ක්‍රියාපටිපාටීන් පිළිබඳ අවබෝධයක් ලබා දීමට අපේක්ෂා කරන අතර පාර්ලිමේන්තුවේ විවිධ කාර්යාංශ මගින් ඉටුකෙරෙන කාර්යභාරය පිළිබඳ කෙටි හැඳින්වීමක් ද සිදු කිරීමට නියමිතය.
තවද, ජාත්‍යන්තර පාර්ලිමේන්තු විශේෂඥයින් කිහිප දෙනෙකු ඔවුන්ගේ ව්‍යවස්ථාදායක අත්දැකීම් පාර්ලිමේන්තු මන්ත්‍රීවරුන් සමඟ මෙම වැඩමුළුවේදී බෙදා හදා ගැනීමට නියමිත ය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
