විපක්ෂනායකවරයා අද පාර්ලිමේන්තුවේ දී මේ බව සඳහන් කළේ අග්‍රාමාත්‍යවරයා ගෙනා යෝජනාවට අදහස් දක්වමින් විපක්ෂනායකවරයා ලෙස ප්‍රථම අදහස් දැක්වීම සිදු කරමිනි.
විපක්ෂ නායක ධුරයට තමා පත් කිරීම සම්බන්ධව ස්තූතිය ප්‍රකාශ කරන බවත් ජාතික වැදගත්කමකින් යුත් රජය ගෙන එන පනත් සඳහා සහය අවශ්‍ය තැන සහය ලබා දෙන බවත් විරුද්ධ වියයුතු තැන විරුද්ධතාව පළ කරන බවත් ඒ සඳහා සියලු දෙනාගේ සහය අවශ්‍ය බව ඔහු පැවසීය.
ඵලදායී විපක්ෂයක් ලෙස කටයුතු කිරීමට සූදානම් බව කී විපක්ෂනායකවරයා දෙමළ ජනතාවගේ ප්‍රශ්න සඳහා විසඳුමක් ලබා දීමට පාර්ලිමේන්තුව නියෝජනය කරන බව ද ඒ සඳහා සියලු දෙනාගේ සහය බලාපොරොත්තු වෙන බවත් පැවසීය.
