ශ්‍රී ලංකා ජාතික ඉදිකිරීම් සංගමයේ 15 වන සංවත්සරයට සමගාමීව කොළඹ බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේ පැවති ''ඉදිකිරීම් 2015'' ප්‍රදර්ශනය ජනාධිපති මෛත්‍රීපාල සිරිසේන මහතා අතින් අද (28) විවෘත කෙරිණි.
මෙම විවෘත කිරීමෙන් අනතුරුව ජනාධිපතිතුමා ඉදිකිරීම් ප්‍රදර්ශන කුටි නැරඹමට ද එක් විය.
''ඉදිකිරීම් 2015'' ප්‍රදර්ශනයේ සංවිධායක කමිටුව විසින් ජනාධිපතිතුමා වෙත සමරු තිළිණයක් ද පිළිගැන්විණි.
එසේම ජනාධිපතිතුමා ඉදිකිරීම් ''2015'' ප්‍රදර්ශනයේ කුසලතා දැක්වූවන්ට සමරු තිලිණ ප්‍රදානය කිරීමට ද එක්ව සිටියේය.
මෙම අවස්ථාවට අමාත්‍යාංශ ලේකම්වරුන්, ඉදිකිරීම් සංගමයේ සභාපති දේශමාන්‍ය එස්.පී. ලියනාරච්චි, ඉදිකිරීම් සංගමයේ ලේකම් පුබුදු කමල් පෙරේරා යන මහත්වරුන් ද එක්ව සිටියහ.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
