නව ගොඩනැගිලි සංකීර්ණයේ සමරු ඵලකය විවෘත කළ ජනාධිපතිතුමා මෙම අවස්ථාව සිහිපත් කරමින් විශේෂ සමරු සටහනක් ද තැබීය.
රුපියල් මිලියන 750 ක වියදමින් අභිනවයෙන් ඉදිකළ මෙම නව ගොඩනැගිලි සංකීර්ණය, දේශණ ශාලා 16 ක් පරිගණකාගාර, ශ්‍රවණාගාර, ආපනශාලා ඇතුළු සියලුම පහසුකම් වලින් යුක්තවේ.
ජනාධිපතිවරයාගේ පැමිණීම සනිටුහන් කරමින් විශේෂ සමරු තිළිණයක් එහි උප කුලපති මේජර් ජෙනරාල් මිලින්ද පීරිස් මහතා විසින් ජනාධිපතිතුමා වෙත පිළිගැන්වීය.
මෙම අවස්ථාවට ආරක්ෂක ලේකම් බී.එම්.යූ.ඩී. බස්නායක, ත්‍රිවිධ හමුදාපතිවරුන්, ආරක්ෂක ප්‍රධානීන්, කොතලාවල ආරක්ෂක විශ්ව විද්‍යාලයේ කුලපති රොහාන් ද එවත්ත, උප කුලපති මේජර් ජෙනරාල් මිලින්ද පීරිස්, විද්‍යාලයේ පීඨාධිපතිවරුන්, ආචාර්ය මහාචාර්යවරුන් සහ විශ්ව විද්‍යාල සිසුන් රැසක් ද එක්ව සිටියහ.
