ඊයේ පස්වරුවේ විහාරස්ථානය වෙත ගිය ජනාධිපතිතුමා ප්‍රථමයෙන් විහාරාධිපති පූජ්‍ය එළදැත්තේ සද්ධාසීල හිමිපාණන් වහන්සේ බැහැ දැක සුවදුක් විමසා පිරිකර පූජා කළේය.
ආගමික වතාවත්වල නිරතව ආශිර්වාද ලබා ගැනීමෙන් අනතුරුව අභිනව බුද්ධ මන්දිරය විවෘත කරමින් එහි ප්‍රථම මල් පූජාව ද සිදු කළේය.
ජනාධිපතිතුමාගේ සම්ප්‍රාප්තිය සනිටුහන් කරමින් විහාර පරිශ්‍රයේ නා පැලයක් රෝපණය කිරීම ද සිදු විය.
ශ්‍රී ලංකා රාමඤ්ඥ මහා නිකායේ මහානායක පූජ්‍ය නාපානේ ප්‍රේමසිරි නායක ස්වාමින් වහන්සේ, මල්වතු පාර්ශවයේ අනු නායක පූජ්‍ය නියංගොඩ විජිතසිරි අනු නායක ස්වාමින් වහන්සේ, මහාචාර්ය පූජ්‍ය වරාගොඩ ප්‍රේමරතන නායක ස්වාමින් වහන්සේ ප්‍රමුඛ මහා සංඝරත්නය ද පුණ්‍ය උත්සවයට වැඩම කර සිටියහ.
ඡායාරූප - ජනාධිපති මාධ්‍ය අංශය
DB
