ආසියාවේ රටවල් 19 ක සහභාගිත්වයෙන් සිංගප්පූරුවේ පැවති 11 වන ආසියානු පාසල් චෙස් තරගාවලියේදී රිදී පදක්කම් දෙකක් සහ ලෝකඩ පදක්කමක් දිනා දෙමින් ශ්‍රී ලංකාවට කීර්තියක් අත්කර දුන් සිසුන් ජනාධිපතිතුමාගේ ඇගයීමට ලක් විය.
මෙම තරගාවලියේදී කුරණෑගල මලියදේව විද්‍යාලයේ හර්ෂණ තිලකරත්න සිසුවා රිදී පදක්කමක් නාවල ජනාධිපති විද්‍යාලයේ දෙව්නි ප්‍රනාන්දු සිසුවිය රිදී පදක්කමක් සහ මිලාගිරිය ශාන්ත පාවුථ බාලිකා විද්‍යාලයේ ඒෂා ජලීල් සිසුවිය ලෝකඩ පදක්කමක් දිනා ගැනීමට සමත් විය.
ඔවුන් අද (23) පෙරවරුවේ ජනාධිපති නිල නිවසේදී ජනාධිපති මෛත්‍රීපාල සිරිසේන මැතිතුමා හමු වූ අතර සිසුන්ගේ දක්ෂතා අගය කළ ජනාධිපතිතුමා ඔවුන්ට සිය සුභාශිංසන පළ කළේය.
එමෙන්ම සිසුන් වෙත තිළිණ ප්‍රදානයක්ද සිදු කෙරිණි.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
