ජනතාවගේ වන්දනාමාන කටයුතු සඳහා සමන් දේව ප්‍රතිමාව සහ දේවාභරණ තැම්පත් කිරීමට විහාරස්ථානයේ අභිනවයෙන් ඉදිකෙරුණු රාවනා දේවාලය සහ සමන් දෙවිඳු ගමන් මාලිගය විවෘත කිරීමද ජනාධිපතිතුමා අතින් සිදුවිය.
පැල්මඩුල්ල පුරාණ රාජමහා විහාරාධිපති ඌව වෙල්ලස්ස විශ්වවිද්‍යාලයේ කුලපති සබරගමුව පළාත් ප්‍රධාන සංඝනායක ශ්‍රී පාදස්ථානාධිපති පූජ්‍ය බෙංගමුවේ ධම්මදින්න නායක ස්වාමීන් වහන්සේද බැහැදුටු ජනාධිපතිතුමා උන්වහන්සේගේ සුවඳුක් විමසා පිරිකර ද පූජා කළේය.
මෙම අවස්ථාවේ දී විහාරස්ථානය වෙත අති විශාල ජනතාවක් පැමිණ සිටි අතර ජනාධිපතිතුමා ඔවුන් සමඟ ද කතාබහ කළේය.
රාජ්‍ය පරිපාලන හා ස්වදේශ කටයුතු අමාත්‍ය ඩබ්ලිව්. ඩී. ජේ. සෙනවිරත්න, පළාත් අමාත්‍ය අතුල කුමාර රාහුබද්ධ මහත්වරුන් ඇතුළු විශාල පිරිසක් මෙම අවස්ථාවට එක්ව සිටියහ.
DB
