මෙහි ආරම්භක වැඩසටහන ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් හෙට පෙරවරු 10.00ට ජා - ඇල නගරසභා ක්‍රීඩාංගණයේ දී පැවැත්වේ. අමාත්‍යංශය කිහිපයක සහයෝගිතාවයෙන් යුතු ව ක්‍රියාත්මක කරන මෙම වැඩසටහනෙහි සමාරම්භක උත්සවයට 5000කට අධික පිරිසක් සහභාගිවීමට නියමිතය.
මෙදින ජනාධිපතිතුමා විසින් නිකුත් කිරීමට නියමිත මත්ද්‍රව්‍ය නිවාරණය පිළිබඳ විශේෂ පණිවිඩය දිවයින පුරා පිහිටි පාසල් 10,300ක විදුහල්පතිවරුන් මාර්ගයෙන් කියවීමට ද නියමිතය. මෙම මාසයක කාලය තුළ පාසල් තුළ විශේෂ මත්ද්‍රව්‍ය නිවාරණ ක්‍රියාකාරකම් සිදුකිරීමට ද නියමිතය.
මීට අමතර ව මත්ද්‍රව්‍ය නිවාරණ මාසය තුළ රජයේ රෝහල්වල වෛද්‍ය සායනවලට සහභාගිවන මහජනතාව දැනුවත් කිරීමේ වැඩපිළිවෙළක් ද ක්‍රියාත්මක කෙරෙන අතර ශාසනාරක්ෂක මණ්ඩල, විහාරස්ථාන හා දහම් පාසල් සම්බන්ධීකරණ කරගනිමින් ද මත්ද්‍රව්‍ය නිවාරණ වැඩසටහන් ක්‍රියාත්මක කෙරේ.
DB
