පෙර රජ සමයේ සිට පැවති චාරිත්‍ර ඉටු කරමින් ජනාධිපතිතුමා විසින් අභිනව මහානායක හිමිපාණන් වහන්සේ වෙත සන්නස් පත්‍රය පිළිගැන්වීය.
එමෙන්ම අස්ගිරි පාර්ශවයේ අනුනායක පදවි දෙක සඳහා අභිනවයෙන් පත් වූ ඓතිහාසික බදුලු මුතියංගණ රජමහා විහාරාධිපති පූජ්‍ය වරකාගොඩ ශ්‍රී පඤ්ඤානන්ද ඤාණරතනාභිධාන, පොලොන්නරුව සොළොස්මස්ථානාධිපති පූජ්‍ය වේඩරුවේ ධර්මකීර්ති ශ්‍රී රතනපාල උපාල්‍යාභිධාන යන අනුනායක හිමිවරුන් දෙනමට අක්ත පත්‍ර පිළිගැන්වීම ද මෙහිදී ජනාධිපතිතුමා අතින් සිදු විය.
රන් පැහැති චෛත්‍ය අනුරුවක් ජනාධිපතිතුමා වෙත පිරිනැමීම සහ එහි රිදී අනුරුවක් අග්‍රාමාත්‍ය රනිල් වික්‍රමසිංහ මහතා වෙත පිරිනැමීම අභිනව මහානායක අතිපූජ්‍ය ගලගම ශ්‍රී අත්ථදස්සී මහානායක ස්වාමින්ද්‍රයන් වහන්සේ සිදු කළහ.
ත්‍රෛනිකායික මහා සංඝරත්නයද, අග්‍රාමාත්‍ය රනිල් වික්‍රමසිංහ මහතා, බුද්ධ ශාසන අමාත්‍ය කරූ ජයසූරිය මහතා ඇතුළු මැති ඇමතිවරුන්ද, ඓතිහාසික දළදා මාළිගාවේ දියවඩන නිළමේ ප්‍රදීප් නිලංග දෑල මහතා, බස්නායක නිළමේවරුන්, තානාපතිවරුන් දෙස් විදෙස් සම්භාවනීය ආරාධිත පිරිසක්ද මෙම මහෝත්සවයට එක්ව සිටියහ.
kpm
