වාර්ෂික රණවිරු සැමරුම් උත්සවය ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් හෙට (මැයි 20) පස්වරු 4.00 සිට 6.00 දක්වා ශ්‍රී ජයවර්ධනපුර කෝට්ටේ රණවිරු ස්මාරකය අභියස දී පැවැත්වේ.
එක් එක් දිස්තික්කයෙන් 100 දෙනෙකු බැඟින් දිවි පිදූ රණවිරුවන්ගේ පවුල්වල සාමාජිකයන් 2500කට වඩා පිරිසක් මෙම උත්සවයට සහභාගී වීමට නියමිතය.
මෙම උත්සවය මාතෘ භූමිය සඳහා කැපකිරීම් කළ සන්නද්ධ හමුදාවේ සහ පොලිසියේ මියගිය රණවිරුවන් සැමරීමට රාජ්‍ය ආරක්ෂක අමාත්‍යංශයේ අනුග්‍රහය යටතේ රණවිරු සේවා අධිකාරිය (RVSA) විසින් සංවිධානය කොට ඇත.
මෙම ප්‍රධාන උත්සවයට සමඟාමීව, එක් එක් පළාත ප්‍රමුඛ කරගනිමින් සමරු උත්සව 8 ක් ජූනි මාසයේ දී පැවැත්වීමට සැලසුම් කර තිබේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
