මහින්දෝදය තාක්ෂණ විද්‍යාගාරය විවෘත කළ ජනාධිපතිතුමා එහි නිරීක්ෂණ චාරිකාවක නිරතවෙමින් සිසුන්ගේ අධ්‍යාපන කටයුතු පිළිබඳව ද විමසා බැලීය.
රටපුරා මහින්දෝදය පාසල් දහසක් ප්‍රතිනිර්මාණය කිරීමේ වැඩපිළිවෙළ යටතේ ඉදිකළ මෙය අංග සම්පූර්ණ ගණිතාගාරයකින්, පරිගණක 25කින් සමන්විත භාෂාගාරයකින්, පරිගණක 40කින් සමන්විත පරිගණකාගාරයකින් සහ දුරස්ථ ඉගෙනුම් මධ්‍යස්ථානයකින් සමන්විතය.
ඇමරිකාවේ ලොස් ඇන්ජලීස් නුවරදී අනිද්දා (11) පැවැත්වෙන ලෝක නව නිර්මාණ තරගාවලියට සහභාගි වන තඹුත්තේගම මහා විද්‍යාලයේ 12 වන වසරේ ඉගෙනුම ලබන නාමල් උදාර සිසුවාට ලැප්ටොප් පරිගණකයක් ප්‍රදානය කිරීම ද මෙහිදී ජනාධිපතිතුමා අතින් සිදු විය.
NDH/pmu
