මෙම ආගමික වතාවත් සදහා සහභාගී වූ ජනාධිපතිතුමා සහ අග්‍රාමාත්‍යතුමා ආශිර්වාද ලබා ගත්තේය. පස්වරුවේ ඓතිහාසික මහියංගන පුද බිම වෙත ගිය ජනාධිපතිතුමා පළමුව ආගමික වතාවත්වල නිරතව ආශිර්වාද ලබා ගත්තේය.
ඉන් අනතුරුව විශේෂ ආශිර්වාද පූජාවට එක් විය. මහා සංඝරත්නය විසින් එහිදී සෙත් පිරිත් සජ්ජායනා කර ජනාධිතිතුමාට සහ අග්‍රාමාත්‍යතුමාට ආශිර්වාද පළ කළහ.
එමෙන්ම මහියංගන රජ මහා විහාරයේ භාරකාර අස්ගිරි මහා විහාරයීය කාරක මහා සංඝ සභාවේ නියෝජ්‍ය ලේඛකාධිකාරී පූජ්‍ය උරුලෑවත්තේ ධම්මරක්ඛිත නායක ස්වාමින් වහන්සේ බැහැ දැක උන්වහ්නසේගේ සුව දුක් විමසූ ජනාධිපතිතුමා උන්වහන්සේට පිරිකර පූජා කළේය.
අමාත්‍ය කරු ජයසූරිය, එක්සත් ජාතික පක්ෂයේ ජාතික සංවිධායක දයා ගමගේ යන මහත්වරු ඇතුළු පිරිසක් මෙම අවස්ථාවට එක්ව සිටියහ.
SDF
