කලාපයේ රටවල පමණක් නොව සමස්ත යුරෝපයේ ද සහයෝගය අද ශී‍්‍ර ලංකාවට හිමිව ඇති බව ප‍්‍රකාශ කළ ජනාධිපති මෛත‍්‍රීපාල සිරිසේන මැතිතුමා එම රටවල් නව රජය කෙරෙහි තබා ඇති විශ්වාසය රටේත්, ජනතාවගේත් සංවර්ධනය උදෙසා උපරිමයෙන් ම යොදා ගන්නා බව පැවසීය.
පසුගිය රජයට වඩා විශාල සහයෝගයක් නව රජයට අද ජාත්‍යන්තරයෙන් හිමිවන බව ප‍්‍රකාශ කළ ජනාධිපතිතුමා අපේ රට නිසා ලෝකය බෙදුනු යුගය වත්මන් රජය අවසන් කළ බව ද ප‍්‍රකාශ කළේය.
ජනාධිපති මෛති‍්‍රපාල සිරිසේන මැතිතුමා මේ බව ප‍්‍රකාශ කළේ පොලොන්නරුව මහ රෝහලේ ඉදිකරන ලද නව රුධිර මධ්‍යස්ථානය ඊයේ (21) ජනතා අයිතියට පවරා දෙමිනි.
පොලොන්නරුව මහ රෝහලට දීර්ඝ කාලයක් පුරා පැවති අඩු පාඩුවක් සපුරාලමින් රුපියල් මිලියන 109 ක් වැය කර අංග සම්පූර්ණ රුධිර මධ්‍යස්ථානයක් ලෙස නිම කර ඇත.
kpm/Priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
