ශ්‍රී ලංකා ජාතික රෝහලේ 150 වැනි සංවත්සර උළෙල අද (20) කොළඹ ජාතික රෝහල් පරිශ්‍රයේදී ජනාධිපති මෛත්‍රීපාල සිරිසේන මැතිතුමාගේ ප්‍රධානත්වයෙන් පැවති අතර 150 වෙනි සංවත්සර සමරු කලාපය ශ්‍රී ලංකා ජාතික රෝහල් අධ්‍යක්ෂ වෛද්‍ය අනිල් ජාසිංහ මහතා විසින් ජනාධිපතිතුමා වෙත පිළිගන්වන ලදී.
සංවත්සරික මුල්දින කවරය නිකුත් කිරීම හා ශ්‍රී ලංකා ජාතික රෝහලේ නව වෙබ් අඩවිය දියත් කිරීම මෙහිදී සිදු කෙරිණි.
සෞඛ්‍ය ක්ෂේත්‍රයේ විශ්‍රාමිකයින් සඳහා උපහාර තිළිණ ප්‍රදානය ද ජනාධිපතිතුමා අතින් සිදු කෙරිණි.
මෙම අවස්ථාවට සෞඛ්‍ය සහ දේශීය වෛද්‍ය අමාත්‍ය වෛද්‍ය රාජිත සේනාරත්න මහතා, හිටපු සෞඛ්‍ය අමාත්‍යවරුන්, පාර්ලිමේන්තු මන්ත්‍රීවරුන්, සෞඛ්‍ය අමාත්‍යාංශයේ ලේකම් බී. දිසානායක මහතා, සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතා ඇතුළු පිරිසක් මෙම අවස්ථාවට එක්ව සිටියහ.
kpm
Pix-Yamuni Rashmika
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
