ජනාධිපති මහින්ද රාජපක්ෂ මැතිතුමාගේ ජන්ම දිනය හා පදවි ප්‍රාප්තිය නිමිත්තෙන් ජනපතිට සෙත් පතා ආශිර්වාද පහන් පූජාවක් ඊයේ (18) පස්වරු 6.00ට නැගෙනහිර කොළඹ තිඹිරිගස්යාය අශෝකාරාම පරිශ්‍රයේ දී ප්‍රදීපාලෝක පදනම නිර්මාතෘ, නැගෙනහිර කොළඹ ප්‍රධාන සංවිධායක ප්‍රදීප් ගුණවර්ධන මහතාගේ ප්‍රධානත්වයෙන් පැවැත්විණි.
ප්‍රදීපාලෝක පදනම මඟින් සංවිධානය කළ මෙම ආශිර්වාද පූජාවට තිඹිරිගස්යාය අශෝකාරාමාධිපති පූජ්‍ය ගැටහැත්තේ සෝභිත හිමි, කොළඹ කිරුළපන ශ්‍රී පුෂ්පාරාමාධිකාරී ලුම්බිණි මහා විද්‍යාලයේ සහකාර විදුහල්පති පූජ්‍ය දිවිතුරේ සමන්ත හිමි ඇතුළු මහා සංඝරත්නය, මධ්‍යම පළාත් මහ ඇමති සරත් ඒකනායක මහතා, තිඹිරිගස්යාය ප්‍රාදේශීය ලේකම් ශිරෝමනී කරුණාරත්න මහත්මිය, ජනාධිපතිතුමාගේ පෞද්ගලික ලේකම් දයා ගාල්ලගේ මහත්මිය ඇතුළු බැතිමත්හු විශාල පිරිසක් මෙම අවස්ථාවට එක්ව සිටියහ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
