යුද හමුදාපති ලුතිතන් ජෙනරාල් දයා රත්නායක මහතාගේ ප්‍රධානත්වයෙන් පසුගියදා මෙම රණ විරු ස්මාරකය විවෘත කළේය.
මෙයට සමගාමී ව සංඥා බලකායේ බලකාධිපති මේජර් ජෙනරාල් ප්‍රසාද් සමරසිංහ මහතාගේ අධීක්ෂණය යටතේ සර්ව රාත්‍රික පිරිත් සජ්ඣායනාවක් සහ පසු දින මහා සංඝරත්නය විෂයෙහි හීල් දානය පිරිනැමීමේ පිංකමක් ද පැවැත්වීය.
යුද හමුදාපතිතුමා රණ විරු ස්මාරකය විවෘත කරමින් ඊට මල් කලඹක් තැන්පත් කොට පුෂ්පෝපහාර දැක්වීය.
මෙම අවස්ථාවේ දී යුද හමුදාපතිතුමා හට ආචාර සම්මාන මුරයක් සහ සම්මාන පෙළපාළියක් ද පැවැත් වූ අතර, මෙම අවස්ථාව සඳහා නිලධාරීන් සහ සෙසු නිලයින් බොහෝ පිරිසක් සහභාගී වූහ. එහි දී යුද හමුදාපතිතුමා උත්සව අවස්ථාව අමතමින් අනාගත ලෝකයේ තාක්ෂණික සන්නිවේදනය සංවර්ධනය වෙනුවෙන් යොදා ගැනීමට ක්‍රියා කළ යුතු ආකාරය පිළිබඳ ව ද කරුණු අවධාරණය කළේය.
NDH/army.lk
