ඒ මහතා මේ බව ප්‍රකාශ කළේ අද (03) ශ්‍රී ලංකා නිදහස් පක්ෂ මූලස්ථානයේ පැවැති ප්‍රවෘත්ති සාකච්ඡාවකට එක්වෙමිනි.
අවිධිමත් අංශවල ලක්ෂ ගාණක පිරිසක් කිසිවෙකුගේ නෙත නොගැටී සේවය කළ බවත් ඔවුන්ට ද අවම වැටුපක් මෙම අයවැය යෝජනාවලිය හරහා යෝජනා වී ඇති බවත් පෙන්වා දුන් අමාත්‍යවරයා මෙවර අයවැය හරහා කතා නොකළ කිසිදු අංශයක් නොමැති තරම් බවත් පෙන්වා දුන්නේ ය.
"මෙවර අයවැයෙන් සියලු ම අංශවල සුවිසල් වෙනසක් සිදු කොට ඇත. විදේශ සංචිත ප්‍රමාණය ඩොලර් මිලියන 10ක ප්‍රමාණයක් දක්වා වැඩිකොට තිබෙනවා. උද්ධමන වේගය පාලනය කර ගත හැකි ව තිබෙනවා. මෙය ආසියානු රාජ්‍යයක් ලෙස අප ලැබූ විශාල ජයග්‍රහණයක්".
"මෙවර අයවැය අසාර්ථක අයවැයක් බව කිසිවෙකුට ප්‍රකාශ කළ නොහැකියි. සියලු පැතිකඩයන් දෙස තුලනාත්මක ව බැලීමෙන් අනතුරුව මෙවර අයවැය සකස් කොට තිබෙනවා. මෙතරම් සහන ප්‍රමාණයක් ලබාදිය හැක්කේ දේශපාලන ස්ථාවරය නිසායි. දීර්ඝකාලීන ත්‍රස්තවාදයක් නිමා කොට ඉතා සුළු කාලයක් තුළ මෙවැනි සංවර්ධනයක් රට තුළ ඇති කළ හැකි වූයේ ද දේශාපලනයේ පවතින ස්ථාවරය නිසා ය".
ශ්‍රී ලංකාවේ නිදහස් ස්වාධීන මැතිවරණ ක්‍රමයක් පවතින බවත් මැතිවරණ කොමසාරිස්වරයාට මැතිවරණ සම්බන්ධයෙන් සියලු බලතල හා මැතිවරණ නීතිය අනුව සියලු කටයුතු සිදුකරන බවත් මාධ්‍යවේදීන් නැගු පැනයකට පිළිතුරු ලබාදෙමින් අමාත්‍යවරයා පැවසී ය.
අතීතයේ දී පැවැති මැතිවරණ ක්‍රියාවලිය හා සැසදීමේ දී වර්තමානයේ ඉතා යහපත් මැතිවරණ ක්‍රමයක් පවතින බව මනාව පැහැදිලි වන බව ද අමාත්‍යවරයා මෙහි දී වැඩිදුරටත් පැවසී ය.
DB
