ඒ මහතා මේ බව ප්‍රකාශ කළේ අද (29) රාජ්‍ය ආරක්ෂක හා නාගරික සංවර්ධන අමාත්‍යංශයේ මාධ්‍ය කේන්ද්‍රයේ පැවැති සතියේ ප්‍රවෘත්ති සාකච්ඡාවට එක්වෙමිනි.
මෙම සංවර්ධන කටයුතු සඳහා රුපියල් මිලියන 182ක් ඇස්තමේන්තු කර ඇතත් මෙම ප්‍රතිසංස්කරණ කටයුතු වෙනුවෙන් රුපියල් මිලියන 66ක් පමණක් වැය වී ඇති බවත් පෙන්වා දුන්නේය.
නිවාස 223ක් ප්‍රතිසංස්කරණය කිරීමට තෝරාගෙන ඇති අතර ඉන් නිවාස 52ක පමණ ඉදිකිරීම් කටයුතු මේ වන විට සිදුකරමින් පවතින අතර නිවාස 171ක් සම්පූර්ණයෙන් ම ප්‍රතිසංස්කරණය කොට නිවාස හිමියන් වෙත භාර දී ඇත. ව්‍යාපාරික ස්ථානවල ප්‍රතිසංස්කරණ කටයුතු සිදු කිරීම සඳහා ස්ථාන 16ක් පමණ ඉතිරි වී ඇති අතර සියලු ප්‍රතිසංස්කරණ කටයුතු සිදු කොට නොවැම්බර් අවසාන වන විට නැවත භාරදීමට නියමිතය. විනාශ වූ එක් නිවසක හා ව්‍යාපාරික ස්ථානයක් සම්බන්ධයෙන් පවතින ගැටලුවක් හේතුවෙන් එම ස්ථාන දෙක නොවැම්බර් මාසයේ දී හිමිකරුවන් වෙත භාරදිය නොහැකි බවද ඒ මහතා මෙහිදී අනාවරණය කළේය.
එම ප්‍රදේශවල පවතින සාමකාමී තත්ත්වය ආරක්ෂා කරගැනීම සඳහා විවිධ වැඩසටහන් ක්‍රියාත්මක කරන බවත් ඒ අනුව පසුගිය දින ශීල ව්‍යාපාරයක් ද සිකුරාදා දිනවල මුස්ලිම් දේවස්ථාන ආශ්‍රිතව දැනුවත් කිරීමේ වැඩසටහන් ද ක්‍රියාත්මක කළ බවද මැදවෙල මහතා මෙහිදී වැඩිදුරටත් ප්‍රකාශ කර සිටියේය.
DB
