සංවත්සර උත්සවයේ ප්‍රධාන ආරාධිතයා ලෙස යුද හමුදා මාණ්ඩලික ප්‍රධානී, ශ්‍රී ලංකා සංඥා බලකායේ බලකාධිපති මේජර් ජෙනරාල් ප්‍රසාද් සමරසිංහ වෙත ආචාර සම්මාන මුරයක් සහ වර්ණවත් පෙළපාළියක් ද පිරිනැමීය. මෙම අවස්ථාව සඳහා ප්‍රධාන සංඥා නිලධාරී මේජර් ජෙනරාල් කේ.ආර්.පී. රොවෙල් ද එක් ව සිටියේය.
මෙහිදී ශ්‍රී ලංකා සංඥා බලකායේ මධ්‍යස්ථ සේනාවිධායකගේ ආරාධනයෙන් යුද හමුදා මාණ්ඩලික ප්‍රධානී විසින් සෙබළුන් වෙනුවෙන් ඉදි වූ දේශන ශාලාව, ශ්‍රවණාගාරය සහ මෘදුකාංග සංවර්ධන සහ ඉංජිනේරු අංශය ද විවෘත කරන ලදී.
මෙම නව දේශන ශාලාව තුළ එකවර 150 දෙනෙකු සඳහා අසුන් ගැනීමට පහසුකම් සපයා ඇති අතර සියලු ම අංගෝපාංගයන්ගෙන් සමන්විත නවීකරණ කරන ලද ශ්‍රවණාගාරය යුද හමුදාවේ තිබෙන නවීනතම ශ්‍රවණාගාර අතුරින් එකක් වේ.
සියලු අතී නවින තොරතුරු තාක්ෂණ උපාංගයන්ගෙන් සහ ජාත්‍යන්තර තත්ත්වයේ විද්‍යාගාර පහසුකම්වලින් සමන්විත මෘදුකාංග සංවර්ධන සහ ඉංජිනේරු අංශය සංඥා බලකා ඉතිහාසයේ හැරවුම් ලක්ෂය වේ.
එහිදී සංඥා බලකායට කීර්තියක් ගෙන දුන් ක්‍රීඩක ක්‍රීඩිකාවන් වෙත සම්මාන පිරිනැමීය. 2013 සිට 2014 දක්වා කාලය තුළ සංඥා බලකායේ උන්නතිය වෙනුවෙන් සිදු කළ සේවය ඇගයීම සඳහා 5 වන ශ්‍රී ලංකා සංඥා බලකාය වෙත විශේෂ කුසලානයක් ද මෙහිදී පිරිනැමීය.
NDH/amy media
