දැනට පවතින අයහපත් කාලගුණය ඉදිරි පැය 24 තුළත් පැවතුණ හොත් නාය යෑමේ හා කණ්ඩි කඩා වැටීමේ අවදානමක් කුරුණෑගල දිස්ත්‍රික්කයේ ප්‍රාදේශීය ලේකම් කොට්ඨාස හතරකට ඇති බැවින් ඒ පිළිබඳ ව විමසිලිමත් වන ලෙස ජාතික ගොඩනැගිලි පර්යේෂණ ආයතනයේ නායයෑම් පර්යේෂණ හා අවදානම් කළමනාකරණ අංශය අනතුරු අඟවයි.
එම ආයතනය අද පස්වරුවේ නිකුත් කරන ලද නායයෑම් අනතුරු ඇඟවීමේ නිවේදනයට අනුව කුරණෑගල දිස්ත්‍රික්කයේ මල්ලවපිටිය, රිදීගම, මාවතගම හා ඉබ්බාගමුව යන ප්‍රාදේශීය ලේකම් කොට්ඨාසවල පිහිටි කඳුකර බෑවුම්, කණ්ඩි සහිත ප්‍රදේශ සහ මාර්ග පිළිබඳව විශේෂ අවධානයක් යොමුකළ යුතු වේ.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
