ජනමාධ්‍ය අමාත්‍යවරයා මේ බව ප්‍රකාශ කළේ අද (10) ජනමාධ්‍ය හා ප්‍රවෘත්ති අමාත්‍යංශයේ පැවැති කැබිනට් තීරණ දැනුම්දීමේ ප්‍රවෘත්ති සාකච්ඡාවට එක්වෙමිනි.
ස්වාධීන කොමිසම් සභා සම්බන්ධයෙන් ප්‍රශ්න තිබෙනවා. ඒ එම කොමිසම් සභාවල ස්වාධීනත්වය සම්බන්ධයෙන්. යම් යම් විවිධ මත තිබෙනවා රජයට ඒ හා සම්බන්ධයෙන්. ඒ පිළිබඳ ව සාකච්ඡා කොට සාධාරණය ඉටුකිරීමට බලාපොරොත්තු වෙනවා.
උගත් පාඩම් හා ප්‍රතිසන්ධාන කොමිසම රජය පත් කිරීමට කටයුතු කරනු ලැබුවේ සද්භාවයෙන් යුතුවයි. මේ සම්බන්ධයෙන් විවිධ දෝෂාරෝපණයන් එල්ල කරනු ලැබුවා මුල් අවස්ථාවේදී.
මෙම කොමිසන් සභාවේ නිර්දේශයන් කෙටි, මධ්‍ය හා දීර්ඝ කාලීන වශයෙන් ක්‍රියාත්මක කළ යුතු නිර්දේශයන් පවතින බවත් එම කාලයන් අනුව නිර්දේශ ක්‍රියාත්මක කිරීමට කටයුතු කරන බවත් අමාත්‍යවරයා මෙහිදී පෙන්වා දුන්නේය.
ලෝකයේ මෙවැනි ගැටලු පවතින රටවල විශාල ප්‍රමාණයක් පවතින බවත් ක්‍රියාත්මක කළ යුතු නිර්දේශයන් සියල්ල ක්‍රියාත්මක කොට හැකි ඉක්මනින් අවසන් කිරිමට කටයුතු කරන බවත් අමාත්‍යවරයා මෙහිදී වැඩිදුරටත් පැවසීය.
DB
