දැනට පවතින අයහපත් කාලගුණය ඉදිරි පැය 24 තුළත් පවතින ලකුණු ඇති හෙයින් නාය යෑමේ, ගල් පෙරළීමේ හා කණ්ඩි කඩා වැටීමේ අවදානම පිළිබඳ ව විමසිලිමත් වන ලෙස ජාතික ගොඩනැගිලි පර්යේෂණ ආයතනයේ නායයෑම් පර්යේෂණ හා අවදානම් කළමනාකරණ අංශය අනතුරු අඟවයි.
එහි ජ්‍යේෂ්ඨ භූවිද්‍යාඥ ආචාර්ය එච්.ඒ.ජී. ජයතිස්ස මහතා අද (30) පස්වරු 6.00ට නිකුත් කරන ලද නායයෑම් අනතුරු ඇඟවීමේ නිවේදනයෙහි මේ බව දැක්වේ.
එහි සඳහන් වන පරිදි නායයෑමේ අවදානම පැවතිය හැකි ප්‍රදේශ පහත සඳහන් පරිදි වේ.
නුවරඑළිය, කෑගල්ල, මාතලේ, මහනුවර සහ කුරුණෑගල යන දිස්ත්‍රික්කවල සියලු ම ප්‍රාදේශීය ලේකම් කොට්ඨාසවල පිහිටා ඇති කඳුකර බෑවුම් කණ්ඩි සහිත ප්‍රදේශ හා මාර්ග සම්බන්ධයෙන් විශේෂ අවධානය යොමු කළ යුතු බව එම නිවේදනයේ දැක් වේ.
HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
