ශ්‍රී ලංකා නාවික හමුදාව ඊයේ (29 ) යාපනය, මාදගල්තුරෙයි ප්‍රදේශයේ ඩිංගි යාත්‍රාවක සඟවා තිබූ රත්‍රං කිලෝ 01යි ග්‍රෑම්ස්‌ 730ක් සොයාගෙන ඇත.
ලැබුණු තොරතුරකට අනුව ක්‍රියාත්මක වූ උතුරු නාවික විදානයට අයත් හමුදා භටපිරිස් මෙම සොයා ගැනීම සිදු කර ඇත.
ඩිංගි යාත්‍රාවක දැල් අතර සඟවා ඉන්දියාවට රැගෙන යාමට සූදානම් කර තිබෙන්නට ඇතැයි සැකකරන මෙම අත්අඩංගුවට ගන්නා ලද රත්‍රං තොගයේ වටිනාකම රුපියල් ලක්ෂ 86ක් ඉක්මවන බව ද නාවික හමුදා ආරංචි මාර්ග සඳහන් කරයි.
මෙම රත්‍රං තොගය වැඩිදුර පරීක්ෂණ සඳහා රේගු නිලධාරීන්ට භාරදීමට නියමිතය.
NDH/mod
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
