ජාතික මදුරු මර්දන සතියේ 04 වන දිනය වන අද (13) "කර්මාන්ත ශාලා හා නේවාසික ස්ථාන පරීක්ෂා කිරීමේ දිනය" වේ. සියලුම නිවාස සහ පරිශ්‍ර, කාර්මික ස්ථාන, කර්මාන්ත ශාලා පරීක්ෂාව අද දින සිදු කෙරිණි.
සෞඛ්‍ය අමාත්‍යාංශය හා ජනාධිපති ඩෙංගු කාර්යසාධක බලකාය එක් ව පසුගිය 10 සිට ලබන 16 දින දක්වා ඩෙංගු මර්දන සතිය ක්‍රියාත්මක කෙරේ. ඊයේ දිනය නම් කර තිබුණේ "පළාත් පාලන දිනය" වශයෙනි. ඒ අනුව දිවයිනේ සියලු ම පොදු ස්ථාන හා නාගරික කාණු පද්ධති තුළ මදුරුවන් බෝවිය හැකි ස්ථාන තිබේදැයි පරීක්ෂාවට ලක් කෙරිණි. මේ සඳහා පළාත් පාලන ආයතනවල සේවක මණ්ඩල, ග්‍රාමීය කමිටු, මහජන සෞඛ්‍ය කාර්යමණ්ඩල, පොලිසිය හා ත්‍රිවිධ හමුදාවේ සහය ලබා ගැනිණි.
පසුගිය දින 03 තුළ දිවයින පුරා පරිශ්‍ර 66,578ක් පරීක්ෂා කර මදුරු කීටයන් සහිත ස්ථාන 3137ක් සොයා ගෙන ඇති අතර 1111කට නඩු පැවරීමට ද කටයුතු කර ඇත.
ජාතික මදුරු මර්දන සතියේ 04 වන දිනය වන හෙට (14) "පරිසර දිනය" ලෙස නම් කර ඇත. දිවයිනේ සියලු ම ආගමික ස්ථාන, නිවාස ආදිය හෙට දින පරීක්ෂා කිරීමට නියමිතය.
NDH
