සභාපතිවරයා මේ බව පැවසුවේ අද (10) ශ්‍රී ලංකා විදුලිබල මණ්ඩලයේ දී මාධ්‍යවේදීන් හමුවු අවස්ථාවේ දී ය.
ඒ අනුව පළමු ඒකක 30 භාවිතා කරනු ලබන පවුල් 11,47,280ක් සඳහා විදුලි ගාස්තු සහනය ලබාදීමට රුපියල් මිලියන 14,460ක් ද, ඒකක 60ක් භාවිත කරනු ලබන පවුල් 15,93,600ක් සඳහා විදුලි ගාස්තු සහනය ලබාදීමට රුපියල් මිලියන 8100ක් ද වැය කොට ඇත.
ශ්‍රී ලංකාවේ එක් පවුලක පුද්ගලයන් 04 දෙනා බැගින් සිටින ලෙස උපකල්පනය කරමින් මුළු ජනගහනයෙන් 50%ක් තරම් පිරිසක් සඳහා පළමු ඒකක 60 භාවිත කරන ගණයකට අයත්වන බැවින් මුළු ජනගහනයෙන් 50%කට ම මෙම සහනය ලැබෙන බවත් ඒ මහතා පෙන්වා දුන්නේය.
පූජ්‍ය ස්ථාන සඳහා විදුලි සහනය ලබාදීම සඳහා රුපියල් මිලියන 102ක් ද, කර්මාන්ත අංශය වෙනුවෙන් රුපියල් මිලියන 10,435ක් ද, හෝටල් වෙනුවෙන් මිලියන 232ක් ද වැය කොට ඇත.
වර්තමානයේ දී විදුලි ඒකකයක් නිෂ්පාදනය කිරීම වෙනුවෙන් රුපියල් 22ක් වැනි මුදලක් වැය වන නමුත් එක් විදුලි ඒකකයක් රුපියල් 16ක් වැනි මුදලකට විකුණනු ලබන බවත් සභාපතිවරයා වැඩිදුරටත් පෙන්වා දුන්නේය.
DB
