බංගලාදේශයේ ඩකාහි පැවැති දැරියන්ගේ සහ කාන්තාවන්ගේ සාක්ෂරතාව හා අධ්‍යාපනය පිළිබඳ ජාත්‍යන්තර සම්මේලනයට (International Conference on Girl's and Women's Literacy and education) සහභාගි වූ අධ්‍යාපන අමාත්‍ය බන්දුල ගුණවර්ධන මහතා ඊයේ (08) එම සම්මේලනයේ විශේෂ දේශනයක් පැවැත්වීය.
මෙරට දැරියන්ගේ හා කාන්තාවන්ගේ අධ්‍යාපනය වෙනුවෙන් ශ්‍රී ලංකා රජය ගෙන තිබෙන පියවර සම්බන්ධයෙන් අමාත්‍යතුමා මෙහිදී අදහස් දැක්වීය.
ශ්‍රී ලංකා යුනෙස්කෝ ජාතික කොමිසම් සභාවේ සභාපති හා ශ්‍රී ලංකාවේ අධ්‍යාපන අමාත්‍යවරයා ලෙස බන්දුල ගුණවර්ධන මහතා මෙම සම්මේලනයට සහභාගි විය.
බංගලාදේශ ජනරජය යුනෙස්කෝ ආයතනයේ සහයෝගය ද ඇතිව මෙම සම්මේලනය සංවිධානය කරනු ලබයි. අධ්‍යාපන අමාත්‍යවරුන්, යුනෙස්කෝ අධ්‍යක්ෂ ජනරාල්, සාර්ක් රටවල නියෝජිතයන් ඇතුළු රටවල් හා සංවිධාන රැසක නියෝජිතවරු පිරිසක් මෙම අවස්ථාවට සහභාගි වී සිටියහ.
NDH/KPM
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
