යෞවන කටයුතු අමාත්‍යවරයා මේ බව ප්‍රකාශ කළේ අද (04) එම අමාත්‍යංශය යටතේ ඇති ජාතික වෘත්තීය පුහුණු අධිකාරියේ රූපලාවන්‍ය උපදේශිකාවන් සඳහා විදේශ ශිෂ්‍යත්ව පිරිනැමීම නිමිත්තෙන් පැවැති උත්සවයකට සහභාගි වෙමිනි.
නව පරපුර රූපලාවන්‍ය ක්ෂේත්‍රය සඳහා ඇතුළුවීමේ ප්‍රවණතාව ඉතා ඉහළ අගයක් ගන්නා බව පෙන්වා දුන් අමාත්‍යවරයා මේ ක්ෂේත්‍රයේ වෘත්තීය වශයෙන් ඉහළ ස්ථානයක් හිමි වන බවත් පසුගිය දිනවල සිදුවීම් හරහා වැරදීමකින් හෝ මෙම ක්ෂේත්‍රය පිළිබඳව අවධානය යොමු කිරීම පිළිබඳ ව තමන් ඉතා සතුටට පත් වන බවත් පෙන්වා දුන්නේය.
දේශීය ව්‍යවසායකන් තුළ මේ සියලු කටයුතු රඳවාගැනීමේ අවස්ථාව හිමිවන්නේ නම් එය ජාතියක් වශයෙන් අප ලබන ජයග්‍රහණයක් බවත් පෙන්වා දුනි.
පවතින නීතිරීති අනුව රූපලාවන්‍ය කටයුතු ව්‍යාපාරික මට්ටමින් පවත්වාගෙන යන්නට නම් ජාතික වෘත්තීය කුසලතා මට්ටම අවශ්‍ය වනවා. රූපලාවන්‍ය ක්ෂේත්‍රයේ 15,000කට වැඩි ප්‍රමාණයක් සඳහා ජාතික මට්ටමේ සහතික පත්‍ර මුදා හැර තිබෙනවා.
විශ්වවිද්‍යාල විද්‍යායතන සඳහා විෂය නිර්දේශයන් මේ වන විට සකස් කොට අවසන්. ඒ අනුව පළමු උපාධිධාරියා බිහිවීමට වසර 3ක් හෝ 04ක් වැනි ඉතා කෙටි කාලයක් පමණයි ගත වන්නේ. යෞවන කටයුතු සහ නිපුණතා සංවර්ධන අමාත්‍යංශය වෙත ජනාධිපති මහින්ද රාජපක්ෂ මැතිතුමා වෘත්තීය අධ්‍යාපනය ඔසවා තැබීම සඳහා ඉලක්කයක් ලබා දී තිබෙනවා.
ඉදිරියේ දී පළමු වරට වෘත්තීය පුහුණු අධිකාරියේ විලේපනවේදය ඩිප්ලෝමා පාඨමාලා ආරම්භ කිරීමට කටයුතු යොදා ඇති බවත් නිපුණතා සංවර්ධනයට සැබෑ වුවමනාවක් ගුරුවරයාට මෙන් ම සිසුවාට ද බද්ධ කළ යුතු බවත් අමාත්‍යවරයා මෙහිදී වැඩිදුරටත් පෙන්වා දුන්නේය.
DB
