කොළඹ - නුවර අධිවේගී මාර්ගයේ ඉදිකිරීම් සම්බන්ධයෙන් දීර්ඝ ලෙස සාකච්ඡා කළ බවත් ඒ අනුව අදාළ ව්‍යාපෘතියේ ඉදිකිරීම් කටයුතු කණ්ඩායම් 05ක් වෙත භාරදීමට කටයුතු කරන බවත් ජනමාධ්‍ය හා ප්‍රවෘත්ති අමාත්‍ය, කැබිනට් ප්‍රකාශක ආචාර්ය කෙහෙළිය රඹුක්වැල්ල මහතා පවසයි.
අමාත්‍යවරයා මේ බව පැවසුවේ අද (04) පස්වරුවේ ජනමාධ්‍ය හා ප්‍රවෘත්ති අමාත්‍යංශයේ පැවති කැබිනට් තීරණ දැනුම් දීමේ මාධ්‍ය හමුවේදී මාධ්‍යවේදියෙකු නැගූ ප්‍රශ්නයකට පිළිතුරු වශයෙනි.
මෙහි ඉදිකිරීම් කටයුතු සඳහා අවශ්‍ය මුදල් මහා භාණ්ඩාගාරයෙන් සොයා ගනු ඇත. ඉදිකිරීම් සඳහා වසර 06, 07ක් ගත වන කාලය කෙටි කර ගැනීම සඳහා කණ්ඩායම් 05ක් යටතේ ස්ථාන 05ක මෙහි වැඩ ආරම්භ කරන බවත් ඒ අනුව එක් එක් කණ්ඩායම් සඳහා සම්පූර්ණ මාර්ගයේ දුරින් කිලෝ මීටර් 10 හෝ 15ක වැඩ කිරීමට අවස්ථාව ලැබෙන බවත් අමාත්‍යවරයා සඳහන් කළේය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
