අධ්‍යාපන විද්‍යා පීඨවල ඉංග්‍රීසි සහ තොරතුරු සන්නිවේදන තාක්‍ෂණ යන පාඨමාලාවන්ට බඳවාගැනීම සඳහා පැවති තරග විභාගයේ ප්‍රතිඵල අද (03) අධ්‍යාපන අමාත්‍යාංශයේ www.moe.gov.lk යන වෙබ් අඩවියට ඇතුළත් කිරීමට නියමිතය.
ඉංග්‍රීසි පාඨමාලාව සඳහා 320 දෙනෙකු බඳවා ගැනෙන අතර තොරතුරු සන්නිවේදන තාක්‍ෂණ පාඨමාලාව සඳහා 100 දෙනෙකු බඳවා ගැනෙති. මෙම පාඨමාලාවන්ට තෝරාගැනීමේ විභාග සඳහා අයදුම්කරුවෝ 10,000 බැගින් පෙනී සිටියහ.
පාඨමාලාවන්ට බඳවාගැනීමේ සම්මුඛ පරීක්‍ෂණ අදාළ විද්‍යා පීඨවලදී ඉදිරි කාලයේදී සිදු කිරීමට ද නියමිතය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
