මේ යටතේ කුරුණෑගල වැව රවුමේ ප්‍රතිසංස්කරණ කටයුතු යුද හමුදාවේ ශ්‍රම දායකත්වයෙන් සිදු කරනු ඇත. ව්‍යායාම මංතීරු හා විවේකී ස්ථාන ද ඇතුළත්ව මෙහි සංවර්ධන කටයුතු මේ දිනවල කඩිනමින් සිදුකරමින් පවතී. වැව රවුමේ ඇති දුර ප්‍රමාණය කිලෝ මීටර 3.5ක් පමණ වේ .
දේශීය හා විදේශීය සංචාරකයන් විශාල ප්‍රමාණයක් නගරයේ ඇති කාර්ය බහුල පරිසරයෙන් මිදී සිය විනෝදාස්වාදය සඳහා පැමිණෙන මෙම ප්‍රදේශය සංවර්ධනය වීමත් සමඟම කුරුණෑගල නගරයට පැමිණෙන ජනතාවට විශාල සහනයක් අත්වනු ඇත.
නාගරික සංවර්ධන අධිකාරිය මඟින් සකස්කර ඇති නගර සංවර්ධන ව්‍යාපෘතිය යටතේ රාජ්‍ය ආයතන 06ක් සඳහා මහල් අටකින් යුත් ගොඩනැගිල්ලක් නගර මධ්‍යයෙහි ඉදිකිරීමට ද නියමිතය.
NDH/mod
