මෙම ප්‍රදර්ශනය සඳහා ඉන්දියාව,සෞදි අරාබිය, ශ්‍රී ලංකාව, සිංගප්පූරුව, චීනය, තායිවානය, ජපානය, ඉතාලිය, පිලිපීනය සහ මැලේසියාව ආදි රටවල් 15ක් නියෝජනය කරමින් ප්‍රදර්ශකයින් 160කට අධික පිරිසක් සහභාගී වේ. ව්‍යාපාරික අවස්ථාවන් බිහි කරමින් දේශීය අපනයන වෙළඳපොළ පුළුල් කිරීම අරමුණු කරගනිමින් මෙම ප්‍රදර්ශනය සංවිධානය කර ඇත.

 
ප්‍රදර්ශනය විවෘත කරමින් කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා පසුගිය වසර කිහිපය තුළ රබර් හා ප්ලාස්ටික් අපනයනය ඉතා සීග්‍ර වර්ධනයක් ලබා ඇති බව පැවසීය. තව දුරටත් අදහස් දක්වමින් බදියුදීන් අමාත්‍යවරයා, “දළ දේශීය නිෂ්පාදනය ගණනයේදී රබර් හා ප්ලාස්ටික් කර්මාන්තයේ දායකත්වය ඉතා ඉහළයි. 2013 දී අපගේ ස්වාභාවික රබර් අපනයනය ඇ.ඩො. මිලියන 71.6ක් ද රබර් නිෂ්පාදන අපනයනය ඇ.ඩො. මිලියන 887ක් ද වෙනවා. එය 2012 වර්ෂයට වඩා 4%ක වර්ධනයක්. ප්ලාස්ටික් අපනයන 2012 දී ඇ.ඩො. මිලියන 57ක් වුවත් එය 2013 දී 5%ක වර්ධනයක් සිදු කරමින් ඇ.ඩො.මිලියන 60.11ක අපනයන ආදායමක් ලබා දුන්නා. මේ වසරේදී අප දළ දේශීය නිෂ්පාදනයේ 7.8%ක වර්ධනයක් බලාපොරොත්තු වන අතර රබර් හා ප්ලාස්ටික් කර්මාන්තවලින් ඒ සඳහා විශාල දායකත්වයක් තවදුරටත් බලාපොරොත්තු වෙනවා” යැයි පැවසීය.
 

අනිද්දායින් (16දා) අවසන් වන මෙම ප්‍රදර්ශනය පෙ.ව.10.00. සිට ප.ව. 6.00 දක්වා මහජනතාවට නොමිලේ නැරඹිය හැකි වේ.