අමාත්‍යවරයා මේ බව ප්‍රකාශ කළේ අද (13) ශ්‍රී ලංකා නිදහස් පක්ෂ මූලස්ථානයේ පැවැති ප්‍රවෘත්ති සාකච්ඡාවකට එක් වෙමිනි.
"ඊයේ හම්බන්තොටට වර්ෂාව ලැබුණා. මොනරාගලටත් යම් තරමක් වැස්සා. කාලගුණවිද්‍යා දෙපාර්තමේන්තුව ප්‍රකාශ කරලා තිබෙනවා ඉදිරි සති දෙකක පමණ කාලයේ දී එම ප්‍රදේශවලට වර්ෂාව ලැබෙන බව. පසුගිය වර්ෂ 6ක කාලය තුළ අති දැවැන්ත වාරි ව්‍යාපෘති ක්‍රියාත්මක වුණා. දැදුරු ඔය, මොරගහ කන්ද, රඹකැන් ඔය, වෙහෙරගල, කළු ගඟ වැනි ව්‍යාපෘති ඒ අතර වනවා. නමුත් එක්සත් ජාතික පක්ෂ ආණ්ඩු කාලයේ දී වැවක් තියා මාළු ටැංකියක්වත් හදලා නෑ".
"ලංකාවේ දෛනික විදුලි අවශ්‍යතාව මෙගා වොට් 2000 - 2200ත් අතර ප්‍රමාණයක්. නමුත් මේ වන විට මෙගො වොට් 4000කට වැඩි විදුලි ධාරිතාවක් අප සතු වනවා. මේ තුළින් මෙගා වොට් 1200ක පමණ ප්‍රමාණයක් ලැබෙන්නේ ජල විදුලියෙන්. නමුත් විදුලි කපා හැරීමක් සිදු කර නෑ".
ඉදිරියේ දී කෙරවලපිටිය දෙවැනි අදියර යටතේ ජාතික විදුලි පද්ධතියට අලුතින් මෙගා වොට් 300ක් එකතු වන බවත් ඒ අනුව අවශ්‍යතාව වඩා වැඩි ධාරිතාවක් සතු වන බවත් ඒ හරහා විදුලි සහනයක් ලබාදීමට අපේක්ෂා කරන බවත් අමාත්‍යවරයා පෙන්වා දුන්නේය.
අධ්‍යාපන පොදු සහතික පත්‍ර උසස් පෙළ විභාගයේ ආර්ථික විද්‍යා ප්‍රශ්න පත්‍රය සම්බන්ධයෙන් විභාග කොමසාරිස්වරයා හරහා මෙන් ම රහස් පොලිසිය හරහා ද පරීක්ෂණයක් කිරීමට අධ්‍යාපන අමාත්‍යවරයා උපදෙස් ලබා දී ඇතැයි අමාත්‍යවරයා මෙහිදී පැවසීය.
DB
