අද උදෑසන 05.30ට නිකුත් කරන ලද කාලගුණ අනාවැකියට අනුව අපරභාගයේදී හෝ සන්ධ්‍යා කාලයේ දී ඌව සහ නැගෙනහිර පළාත්වල තැන් කිහිපයක ගිගුරුම් සහිත වැසි වර්ධනය වේ.
ප්‍රධාන නගර සඳහා කාලගුණ අනාවැකිය
ගාල්ල සහ කොළඹට වැසි වාර කිහිපයක් ඇති වේ. නුවරඑළිය සහ මහනුවරට විටින් විට වැසි ඇති වේ. රත්නපුරයට විටින් විට වැසි හෝ ගිගුරුම් සහිත වැසි ඇති වේ.
මන්නාරමට වැසි ස්වල්පයක් ඇති විය හැක. අනුරාධපුරය, ත්‍රිකුණාමලය සහ මඩකළපුවට අපරභාගයේදී හෝ සන්ධ්‍යා කාලයේ දී ගිගුරුම් සහිත වැසි වර්ධනය වේ.
යාපනයට ප්‍රධාන වශයෙන් වැසි නොමැති කාලගුණයක් පවතී.
උෂ්ණත්වය හා වර්ෂාපතනය
උපරිම උෂ්ණත්වය සෙල්සියස් අංශක 36.0°C මඩකළපුව සහ ත්‍රිකුණාමලයෙන් ද අවම උෂ්ණත්වය සෙල්සියස් අංශක 14.0°C නුවරඑළියෙන් ද අපේක්ෂා කෙරේ.
ඊයේ උදෑසන 8.30න් අවසන් වූ පැය 24 සඳහා දිවයිනේ උපරිම උෂ්ණත්වය සෙල්සියස් අංශක 36.8°C මොනරාගලින් ද අවම උෂ්ණත්වය සෙල්සියස් අංශක 14.1°C නුවරඑළියෙන් ද මි.මී. 48.2ක වර්ෂාපතනයක් රත්නපුරයෙන් ද මි.මී. 41.5ක් ගාල්ල ප්‍රදේශයෙන් ද වාර්තා වී තිබේ.
HC
