අග්‍රාමාත්‍යවරයා මෙම අදහස් පළ කළේ අද මහනුවර දී අස්ගිරි සහ මල්වතු මහ නායක ස්වාමීන් වහන්සේලා බැහැ දැකීමෙන් අනතුරුව මාධ්‍ය හමුවේ විශේෂ ප්‍රකාශයක් කරමිනි.
එහිදී වැඩි දුරටත් අදහස් දැක්වූ අග්‍රාමාත්‍යවරයා ව්‍යවස්ථා සංශෝධනයක් සිදු කෙරෙන ඕනෑම අවස්ථාවක ආණ්ඩුක්‍රම ව්‍යවස්ථාවේ 09 වැනි වගන්තියේ බුද්ධාගමට ඇති ප්‍රමුඛස්ථානය ලබා දීම සම්බන්ධ වගන්තිය එක අකුරකින්වත් වෙනස් නොකරන බවත්, ඒකීය රාජ්‍ය ආරක්ෂා කරමින් එය ඉදිරියට ගෙන යන බවත් මහ නායක ස්වාමීන් වහන්සේලා හමුවේ තමන් ප්‍රකාශ කළ බවද පෙන්වා දෙන ලදී.
අද උදෑසන මහනුවරට පැමිණි අග්‍රාමාත්‍යවරයා මුලින්ම අස්ගිරි මහා විහාරයට පැමිණ එම පාර්ශවයේ මහානායක අතිපූජ්‍ය වරකාගොඩ ඤාණරතන හිමිපාණන් වහන්සේ බැහැදැක ආශිර්වාද ලබා ගැනීමෙන් අනතුරුව මහනුවර ශ්‍රී දළදා මාළිගාවට පැමිණ ආගමික වතාවත් වල නායැපෙන ලදී..
පසුව මල්වතු මහා විහාරයේදී එම පාර්ශවයේ මහනායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල හිමිපාණන් වහන්සේ බැහැ දැක ආශිර්වාද ලබා ගෙන මල්වතු විහාරයේ පැවති විශේෂ දානමය පුණ්‍යකර්මයකටද සහභාගී විය.
DMU/Kandy
