වේදිකා නාට්‍ය ඇතුළුව ප‍්‍රාසාංගික කලා නිර්මාණ, සාධාරණ මිල ගණන් යටතේ වේදිකාගත කිරීම සඳහා ශාලා පහසුකම් ලබාගත හැකිව තිබූ කොළඹ අගනගරයේ පිහිටි ජෝන් ද සිල්වා සමරු රඟහල කලාකරුවන්ගේ සහ පේ‍්‍රක්ෂක ජනතාවගේ අවශ්‍යතා අනුව අනාගතය සඳහා සුදුසු අන්දමින්, කඩිනමින් නවීකරණය කරන ලෙස ජනාධිපතිතුමා අදාළ අංශවලට උපදෙස් දෙයි.
මෙම රඟහල පෞද්ගලික අංශයට විකුණා දැමීමට සූදානමක් පවතින බවට පසුගියදා විවිධ මාධ්‍ය වාර්තා පළ කෙරිණි. ඒ පිළිබඳ කලාකරුවන් අතරින් ද විවිධ සංවාද ගොඩනැගුණු අතර මෙය ජනාධිපතිතුමාගේ විශේෂ අවධානයට ලක්විය.
ජොන් ද සිල්වා සමරු රඟහල පෞද්ගලික අංශයට විකුණා දැමීමට කිසිඳු සූදානමක් නොමැති බවත් මෙය කඩිනමින් නවීකරණ කර කලාකරුවන්ට ලබාදෙන බවත් සඳහන් කරන ජනාධිපතිතුමා ඒ පිළිබඳ කලාකරුවන් දැනුවත් කරන ලෙස ද ජනාධිපති සංස්කෘතික කටයුතු අධ්‍යක්ෂ ජනරාල් ධර්මසිරි බණ්ඩාරනායක මහතා වෙත වැඩිදුරටත් උපදෙස් දී තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
