lk domain Registry ආයතනය මඟින් වාර්ෂිකව සංවිධානය කරන හොඳම ශ්‍රී ලාංකික වෙබ් අඩවිය තෝරාගැනීමේ තරඟාවලින් (Best Web.lk) ජයග්‍රහන රැසක් ලබාගැනීමට රජයේ ප්‍රවෘත්ති දෙපාර්තමේන්තුව විසින් අන්තර්ජාලයට මුදාහරින රජයේ නිලපුවත් වෙබ් අඩවිය www.news.lk සහ www.dgi.gov.lk වෙබ් අඩවි සමත් වී තිබේ.
මෙම තරඟාවලියෙන් www.news.lk වෙබ් අඩවිය සඳහා Best Media, Sports and Entertainment Website - Silver Award සම්මානයද www.dgi.gov.lk වෙබ් අඩවිය සඳහා Best Government Website - Bronze Award සම්මානයද හිමිකර ගැනීමට සමත් වී ඇත.
රජයේ ප්‍රවෘත්ති දෙපාර්තමේන්තුව මඟින් අන්තර්ජාලයට මුදාහරින රජයේ නිලපුවත් වෙබ් අඩවියට මෙවන් ජයග්‍රහන රැසක් අත්කර ගැනීමට වෙබ් අඩවිය සමඟ නිරන්තරයෙන් අත්වැල් බැදගත් සියලු ජනතාවට රජයේ ප්‍රවෘත්ති අධ්‍යක්ෂ ජනරාල් ඇතුළු අප කාර්ය මණ්ඩලය මෙසේ ආචාරය පුද කරමු.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
