බ්‍රිතාන්‍ය යකඩ පාලම් ව්‍යාපෘති ආධාර යටතේ ක්‍රියාත්මක ප්‍රාදේශීය පාලම් වැඩසටහන යටතේ ඉදි කොට ඇති මෙම පාලම සදහා රුපියල් මිලියන 375 කට ආසන්න මුදලක් වැය කොට තිබේ. මීටර් 105 ක දිගින් යුත් මං තීරු දෙකකින් යුත් මෙම පාලම වත්මන් රජයේ කඩිනම් සංවර්ධන ව්‍යාපෘතිය යටතේ මාස 12 ක කාලයකින් නිම කිරීම විශේෂත්වයකි.
මෙම පාලම ඉදි කිරීම නිසා මාතලේ, කුරුණෑගල වැනි ප්‍රදේශ‍වලින් සහ මහනුවර අවට ප්‍රදේශ වලින් පැමිණෙන වාහන වලට මහනුවර නගරය මගහැර තම ගමනා ගමන කටයුතු පහසුවෙන් ඉටු කර ගැනීමට හැකියාව උදා වනු ඇත. මේ නිසා දිනපතා මහනුවර නගරයේ පවතින අධික මාර්ග තදබදයට සැලකිය යුතු විසදුමක් ලබා දීමට හැකියාව ලැබේ. මහනුවර නගරයේ පවතින රථවාහන තදබදය අවම කිරීම සදහා මේ වන විට මහනුවර සිට කටුගස්තොට දක්වා දිවෙන මාර්ගය රු. මිලියන 3,610 ක මුදලක් වැය කොට මංතීරු හතරක් වන පරිදි පුළුල් කෙරෙන අතර, එම ව්‍යාපෘතියද අවසන් වූ පසු මහනුවර නගරයේ රථවාහන තදබදය බොහෝ සෙයින් අවම කර ගැනීමට හැකියාව ලැබෙනු ඇත.
අග්‍රාමාත්‍ය රනිල් වික්‍රමසිංහ, මහා මාර්ග හා උසස් අධ්‍යාපන අමාත්‍යා ලක්ෂ්මන් කිරිඇල්ල යන මැතිඇමතිවරු ඇතුළු තවත් මහජන නියෝජිතයන් රැසක් මෙම අවස්ථාව සදහා සහභාගී වීමට නියමිතය.
AP/DMU-Kandy
