එම දේහය රැගත් පෙරහැර අද පස්වරු 2.30ට හොරණ රත්නපුර මාර්ගයේ විද්‍යාරත්න හන්දියේ සිට හොරණ මහජන ක්‍රීඩාංගනය දක්වා ගමන් කිරීමට නියමිතය.
ඒ අනුව හොරණ රත්නපුර ප්‍ර‍ධාන මාර්ගයේ වාහන තදබදයක් ඇතිවිය හැකි බැවින් එම මාර්ගය භාවිත කරන මහජනතාව සහ රියදුරන් පහත විකල්ප මාර්ග භාවිතා කිරීමට කටයුතු කරන ලෙස පොලීසිය ඉල්ලා සිටී.
රත්නපුර සිට පානදුර දක්වා ගමන් ගන්නා වාහන සව්ගස් හන්දියෙන් දකුණට හරවා තල්ගහවිල හන්දියෙන් වමට හරවා මොරගහේන, ගෝනපල පොකුණුවිට හන්දිය ඔස්සේ පානදුර දෙසට ගමන්කළ හැක.
මතුගම, කළුතර දෙස සිට රත්නපුර දක්වා ගමන් ගන්නා වාහන බැල්ලපිටිය, එලවැල්ල හන්දිය, දික්හේනපුර හන්දිය ඔස්සේ රත්නපුර දෙසට ගමන් කළ හැක.
මතුගම, කළුතර දෙස සිට පානදුර හා කොළඹ දක්වා ගමන් ගන්නා වාහන බැල්ලපිටිය, එලවැල්ව හන්දිය දික්හේනපුර හන්දිය හරහාගමන්කර සව්ගස් හන්දියෙන් වමට හරවා තල්ගහවිල හන්දියෙන් වමට මොරගහහේන, ගෝනපල පොකුණුවිට හන්දිය ඔස්සේ පානදුර දෙසට ගමන්කළ හැක.
