මේ දිනවල ශීඝ්‍රයෙන් පැතිර යන ඩෙංගු රෝගය පාලනය කිරීම සඳහා හෙට (02) දිනයේ සිට බස්නාහිර පළාත තුළ විශේෂ වැඩපිළිවෙළක් ක්‍රියාත්මක කිරීමට සෞඛ්‍ය අමාත්‍යාංශය පියවර ගෙන ඇති බවත් ඩෙංගු මදුරුවන් බෝවන ස්ථාන විනාශ කිරීම සඳහා එවැනි ස්ථාන පරීක්ෂා කිරීම මෙහිදී සිදුකිරීමට නියමිත බවත් සෞඛ්‍ය සේවා අධ්‍යක්ෂ ජනරාල් වෛද්‍ය පාලිත මහීපාල මහතා සඳහන් කළේය.
මේ සඳහා සෞඛ්‍ය අමාත්‍යාංශයේ ඩෙංගු මර්දන ඒකකය මඟින් කණ්ඩායම් පහක් යොදවනු ඇත.
මීට අමතරව දෙහිවල, ගල්කිස්ස, මොරටුව, බොරැල්ල ඇතුළු කොළඹ නගරය ආශ්‍රිත ප්‍රදේශවලට හෙට සිට දූමායනය සිදුකිරීමටත් ඒ මඟින් මදුරු ඝනත්වය පාලනය කිරීමටත් අපේක්ෂිත බව සෞඛ්‍ය අමාත්‍යාංශය පැවසීය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
