ඒ අනුව 2016 විසර්ජන පනත් කෙටුම්පත ඉදිරිපත් කිරීම (පළමුවර කියවීම) හෙට (23) සිදු කෙරෙන අතර අයවැය කථාව (විසර්ජන පනත් කෙටුම්පත දෙවනවර කියවීම) ඉදිරිපත් කිරීම නොවැම්බර් 20දා සිදු කෙරෙනු ඇත.
නොවැම්බර් 21 දින සිට දින 12ක කාලයක් දෙවන වර කියවීමේ විවාදය සඳහා වෙන් කොට ඇති අතර දෙවන වර කියවීමේ ඡන්දය විමසීම දෙසැම්බර් 05දා සිදු කෙරෙනු ඇත.
කාරක සභා අවස්ථාවේ විවාදය සඳහා දෙසැම්බර් 07දා සිට දින 12ක කාලයක් වෙන් කර ඇති අතර තෙවන වර කියවීමේ ඡන්දය විමසීම දෙසැම්බර් 19දා සිදු කෙරෙනු ඇත.
පසුගිය කැබිනට් රැස්වීමේ දී 2016 විසර්ජන පනත් කෙටුම්පත ඉදිරිපත් කිරීම (පළමුවර කියවීම) හෙට (23) දාට යොදා තිබුණු අතර අයවැය කථාව (විසර්ජන පනත් කෙටුම්පත දෙවනවර කියවීම)නොවැම්බර් 20දාට යොදා තිබුණි.
දෙවනවර කියවීමේ විවාදය සඳහා දින 14ක් වෙන් කර තිබුණු අතර දෙවනවර කියවීමේ ඡන්දය විමසීම දෙසැම්බර් 08දාට යොදා තිබුණි.
කාරක සභා අවස්ථා විවාදය සඳහා ද දින 12ක කාලයක් වෙන් කොට තිබුණු අතර අයවැය තෙවනවර කියවීම (ඡන්ද විමසීම) දෙසැම්බර් 22දාට යොදා තිබුණි.
DB
