ආක්ෂක මාධ්‍ය මධ්‍යස්ථානයේ ඊයේ (27) පැවති ප්‍රවෘත්ති සාකච්ඡාවේදී ඒ මහතා මේ බව සඳහන් කළේය.
මෙම අභ්‍යාසය නැගෙනහිර ආරක්ෂක හමුදා ප්‍රදේශයේ දකුණු පුල්මුඩේ සහ උතුරු ආරුගම්බේ ප්‍රදේශයන් ආවරණය කරමින් සිදු කිරීමට නියමිතය.
විවිධ අවස්ථාවලදී ඇතිවන තත්ත්වයන් තුළ දී විශේෂ හමුදා මෙහෙයුම් ක්‍රියාත්මක කිරීම සහ එම හැකියාවන් වැඩි දියුණු කිරීම සඳහා සහයෝගය ලබාදීමට ආර්ධ සම්ප්‍රදායික මෙහෙයුම් සඳහා විශේෂ මෙහෙයුම් හමුදා ක්‍රියාත්මක කිරීම මෙහි අරමුණ වේ.
මෙවර දියකාවා යුද අභ්‍යාසය සඳහා ශ්‍රී ලංකා යුද හමුදාව නියෝජනය කරමින් කමාන්ඩෝ සහ විශේෂ බලකා සහ පාබල සෙබලුන් 2500 දෙනෙක්, නාවික හමුදා සෙබලුන් 254ක් සහ 140 දෙනෙකු සහභාගි වීමට නියමිතය.
බංග්ලාදේශය, චීනය, ඉන්දියාව, ඉන්දුනීසියාව, මැලේසියාව, නේපාලය, පකිස්තානය, ඇමෙරිකා එක්සත් ජනපදය යන රටවල් නියෝජනය කරමින් හමුදා සමාජිකයන් මෙම පුහුණු අභ්‍යාසයට එක් වීමට නියමිතය.
ගිය වසරේ රටවල් 6ක් සහභාගි වූ අතර මෙම වසරේ එය රටවල් 8 දක්වා වැඩි වී තිබේ. මෙරට යුද පුහුණු අභ්‍යාසය සම්බන්ධයෙන් විදේශී හමුදා උනන්දුවෙන් කටයුතු කර බව ද ඒ මහතා පෙන්වා දුන්නේය.
2010 වර්ෂයේ ආරම්භ වූ මෙම දියකාවා යුද අභ්‍යාසය විශාලතම බහුවිධ යුද අභ්‍යාසයක් ලෙස වාර්ෂිකව අඛණ්ඩව පවත්වාගෙන යනු ලබන බව ද ඒ මහතා වැඩිදුරටත් පැවසීය.
