2014 වර්ෂයේ ඡන්දහිමි නාමලේඛනයේ ලියාපදිංචි වී ඇති ඡන්දහිමියන්ට ඡන්දය දීමට සුදුසුකම් ඇත. නිලඡන්ද දැන්වීම්පත ඡන්දපොළට රැගෙන යාම ඡන්දය දීමට පහසුව ඇති කරයි. ඡන්දය විමසන දින උදෑසනින් ම ඡ්නදය දීම සඳහා ඡන්ද පොළට යාම වඩාත් සුදුසුයි.
ඡන්දපොළ තුළ රාජකාරි ඉටුකරන ආරක්ෂක අංශවල නිලධාරීන්ට පමණක් අවි ආයුධ දැරිය හැකිය.ඡන්ද විමසීම් දින සියලු දෙනා අදාළ කටයුතු නීතිගරුකව සිදු කරනු ඇතැයි අපේක්ෂා කෙරේ.ඡන්ද පොළට ඇතුළුවිය හැක්කේ ලියාපදිංචි ඡන්දදායකයින්ට සහ ඡන්ද විමසීම් නීතිය අනුව අවසර ලත් අයට පමණි.
ඡන්ද විමසීම් කටයුතු සාර්ථක කරගැනීමට අදාළ සියලු පාර්ශවවල සහාය අවශ්‍ය බවද මැතිවරන දෙපාර්තමේන්තුව ඡන්දදායකයින් වෙත දැනුම් දී ඇත.
