නෞකා මෙහෙයුම් ප්‍රධානී වශයෙන් කටයුතු කරන පළවෙනි පරිවාරක්ෂක බලසේනාවේ අණදෙන නිලධාරී කපිතාන් Atsushi Nakasuji, “ඉකසුචි” නෞකාවේ අණදෙන නිලධාරී කොමාණ්ඩර් Kazuharu Hokazono සහ “මුරසමෙ” නෞකාවේ අණදෙන නිලධාරී කොමාණ්ඩර් Kenji Fujil යන නිලධාරීන් බටහිර නාවික විධාන නියෝජ්‍ය ආඥාපති කොමදෝරු කේජී පෝල් මහතා බටහිර නාවික විධාන මූලස්ථානයේ දී හමුවිය.
ද්විපාර්ශ්වීය මිත්‍රත්වය හා සුහදතාවය වර්ධනය කිරීමේ අරමුණින් වැලිසර නාවික කඳවුරේ දී ජපන් නැව් මුළුව හා ශ්‍රී ලංකා නාවික හමුදා බේස්බෝල් කණ්ඩායම අතර සුහද බේස්බෝල් තරගයක් පැවැත්වීමට කටයුතු යොදා ඇත.
දෙදින නිල සංචාරයක් සඳහා පැමිණි මෙම නෞකාවන් දිවයිනෙන් පිටත්ව යාමට ප්‍රථම එහි නෞකා මෙහෙයුම් ප්‍රධානී සහ නෞකා අණදෙන නිලධාරීන්, ශ්‍රී ලංකාවේ ජපන් තානාපතිතුමන් හා ශ්‍රී ලංකා වෙරළාරක්ෂක දෙපාර්තමේන්තුවේ අධ්‍යක්ෂ ජෙනරාල් හමුවීමට නියමිතය.
DB
