සියලුම අ.පො.ස. උසස් පෙළ විභාග අපේක්ෂකයින් ප්‍රවේශ පත්‍රය, ජාතික හැඳුනුම්පත හෝ විදේශ ගමන් බලපත්‍රය අනිවාර්යෙන් රැගෙන යා යුතු බවත් විභාගය ආරම්භ වීමට පැය භාගයකට කලින් විභාග මධ්‍යස්ථාන වෙත යා යුතු බවත් විභාග කොමසාරිස් ජනරාල් ඩබ්ලිව්.එම්.එන්.ජේ. පුෂ්පකුමාර මහතා දන්වා සිටි.
විභාග මධ්‍යස්ථානයට යාම පෙර ප්‍රවේශ පත්‍රයේ තමාගේ තොරතුරු නිවැරදිව සටහන් වී තිබේ ද යන්න පරීක්ෂා කරන ලෙස දන්වා සිටින කොමසාරිස් ජනරාල්වරයා විභාගයට පෙනී සිටින විෂය, මාධ්‍ය, කාල සටහන යනාදී කරුණු ද විභාගයට යාමට පෙර පරීක්ෂාවට ලක් කරන ලෙස දන්වා සිටි.
ඒ සම්බන්ධයෙන් වැඩිදුර විස්තර පහත සඳහන් දූරකතන ඔස්සේ විමසීම් සිදු කළ හැකි බව ඒ මහතා වැඩිදුරටත් සඳහන් කරයි.
පාසල් විභාග සංවිධාන ශාඛාව- දූරකතන අංක- 0112784208/ 011 2784537
ක්ෂණික ඇමතුම් අංකය - 1911
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
