නව නාවික හමුදාධිපති වයිස් අද්මිරාල් රවීන්ද්‍ර ශී‍්‍ර විජේගුණවර්ධන මහතා නාවික හමුදාපති ධූරයට පත්වීමෙන් අනතුරුව, ශ්රී ලංකා ගුවන් හමුදාධිපති එයාර් මාෂල් ගගන් බුලත්සිංහල මහතා හා නාවික හමුදාපති අතර හමුව අද (22) පෙරවරුවේ ශ්රී ලංකා ගුවන් හමුදා මූලස්ථානයේදී සිදුවිය.
එහිදී නාවික හමුදාපතිවරයා, ගුවන් හමුදා කොළඹ කඳවුරු අණදෙන නිලධාරි එයාර් කොමොඩෝර් එම්. ඩී. ඒ. පී. පායෝ විසින් පිළිගත් අතර ගෞරව සම්මාන මුරයක්ද එහිදී පිරිනමන ලදී.
අනතුරුව ගුවන් හමුදාධිපති එයාර් මාෂල් ගගන් බුලත්සිංහල මහතා හා නාවික හමුදාධිපතිවරයා සුහද කතාබහකද නිරත විය. ඉන් අනතුරුව දෙපාර්ශවය ම මෙම හමුවීම සිහිපත් වීම පිණිස සමරු ඵලක හුමවාරු කර ගත් අතර, නාවික හමුදාධිපතිවරයා විසින් සමරු සටහනක් තැබීමටද අමතක නොකළේය. මෙම අවස්ථාව සඳහා ගුවන් හමුදා අධ්‍යක්ෂක මණ්ඩලයේ නිලධාරීහු ද සහභාගී වූහ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
