ඒ අනුව, මහපොළ ශිෂ්‍යත්ව වාරිකය රුපියල් 7,500 දක්වාත්, ශිෂ්‍යාධාර වාරිකය රුපියල් 6,500 දක්වාත් 2025 අප්‍රේල් මස සිට ක්‍රියාත්මක වන පරිදි වැඩි කිරීම සඳහා අමාත්‍ය මණ්ඩලයේ අනුමැතිය හිමි වී තිබේ.
මේ සම්බන්ධයෙන් අදහස් දක්වමින්, කැබිනට් ප්‍රකාශක ආචාර්ය බන්දුල ගුණවර්ධන මහතා පැවසුවේ, විශ්වවිද්‍යාල සිසුන් සඳහා ලබාදෙන මහපොළ හා ශිෂ්‍යාධාර වාරික 2015 වර්ෂයේ සිට මේ දක්වා වැඩි කර නොමැති බවයි.
වැඩිදුරටත් අදහස් දක්වමින් කැබිනට් ප්‍රකාශක ආචාර්ය බන්දුල ගුණවර්ධන මහතා පැවසුවේ, 2015න් පසු මෙම ශිෂ්‍යධාර මුදල් වැඩි වුනේ නැතත්, මෙම කාලයේ ඉතා විශාල වශයෙන් භාණ්ඩ මිල ඉහල ගොස් ඇති බවයි. 2022 වර්ෂයේ සිදු වූ ආර්ථික කඩා වැටීමත් සමග මේ සම්බන්ධයෙන් ඉල්ලීම් රැසක් ලැබුණු බවද අමාත්‍යවරයා පෙන්වා දුන්නේය.ඒ අනුව, එකී වාරික මුදල් සංශෝධනය කිරීමේ අවශ්‍යතාව අධ්‍යාපන අමාත්‍යවරයා සහ වෙළෙඳ, වාණිජ හා ආහාර සුරක්ෂිතතා අමාත්‍යවරයා ඉදිරිපත් කළ ඒකාබද්ධ යෝජනාවක් මඟින් අමාත්‍ය මණ්ඩලයේ අවධානය යොමු කර තිබේ.
