ඊශ්‍රායලයේ නිවාස පාදක සාත්තු සේවා රැකියා අවස්ථා හිමි වූ 126 වන කණ්ඩායමට අයත් රැකියාලාභීන් 19 දෙනෙකු හට ගුවන් ටිකට්පත් ප්‍රදානය කිරීම කම්කරු හා විදේශ රැකියා අමාත්‍ය මනුෂ නානායක්කාර මහතා ප්‍රධානත්වයෙන් ඊයේ (31) ශ්‍රී ලංකා විදේශ සේවා නියුක්ති කාර්යාංශයේ දී සිදු කෙරිණි.
මෙම කණ්ඩායම මෙම මස 04 වන දින ඊශ්‍රායලය බලා යාමට නියමිතයි.
ඒ අනුව අගොස්තු මස 04 වැනිදා ශ්‍රී ලංකාවෙන් ඊශ්‍රායලය බලා පිටත් වීමට නියමිත මෙම කණ්ඩායම සමග මෙම වසරේ දී 693 දෙනෙකු ඊශ්‍රායලයේ සාත්තු සේවය සඳහා පිටත්ව ගොස් තිබේ.
සමස්ත ව්‍යාපෘතියට අදාළව 1,527 දෙනෙකු සාත්තු සේවය සඳහා මේ වන විට ඊශ්‍රායලය බලා පිටත්ව ගොස් ඇත.
මෙම අවස්ථාවට ශ්‍රී ලංකා විදේශ සේවා නියුක්ති කාර්යාංශයේ සභාපති හිල්මි අසීස් මහතා ඇතුළු කාර්යාංශයේ නිලධාරීහූ සහභාගි වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
