ඉන්දියානු රජයේ ප්‍රදානයක් ලෙස වතු පාසල්වල යටිතල පහසුකම් සංවර්ධනයට ලබා දෙන රුපියල් මිලියන 600 මුදල ලබා ගැනීම වෙනුවෙන් අදාළ ලේඛනවලට අත්සන් තැබීමට කැබිනට් අනුමැතිය ලැබී ඇති බව කැබිනට් ප්‍රකාශක,ප්‍රවාහන හා මහාමාර්ග , ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පවසයි.
අමාත්‍යවරයා මේ බව පැවසුවේ අද (30) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දනුම්දීමේ මාධ්‍ය හමුවට සහභාගී වෙමිනි.
මේ සඳහා ලබා දීමට තීරණය කර තිබූ මුදල රුපියල් මිලියන 300ක් වන අතර ශ්‍රී ලංකාවේ පැවති ආර්ථික අර්බුදය මත මිල ගණන් ඉහළ යාම හේතුවෙන් එම ව්‍යාපෘතිය සඳහා වන මුළු ප්‍රදානය රුපියල් මිලියන 600ක් දක්වා වැඩි කිරීමට ඉන්දීය රජය එකඟතාවය පළ කර ඇති බවද හෙතෙම වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
