අමාත්‍යවරයා මේ බව ප්‍රකාශ කළේ, අද (30) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය සාකච්ඡාවේ දී ය.
මේ වන විට නීති කෙටුම්පත් සම්පාදක විසින් පනත් කෙටුම්පතක් සකස් කර ඇති අතර, ඒ සඳහා නීතිපතිගේ නිෂ්කාශනය ද ඒ සඳහා ලැබී තිබේ.
ජාතික ගමනාගමන කොමිෂන් සභාවට බස්ගාස්තු සහ අනිකුත් පොදු ප්‍රවාහන සඳහා බලයක් ප්‍රවාහන කොමිසමට බලය තිබෙන බවත්, ත්‍රිරෝද රථ, පාසල් වෑන් රථ, කාර්යාල වාහන යනාදියේ ගාස්තු නියම කිරීමට ප්‍රවාහන කොමිසමට බලයක් නොමැති බවත් අමාත්‍යවරයා මෙහි දී සඳහන් කළේය.
ඒ අනුව, පාරිභෝගික ජනතාවට වඩා හොඳ කාර්යක්‍ෂම සේවාවක් සැපයීම සඳහාත් සාධාරණ ප්‍රවාහන ගාස්තු ක්‍රමයක් සැපයීමට නිර්දේශ කිරීම සඳහාත් ත්‍රිරෝද රථ, පාසල් වෑන් රථ, කාර්යාල වාහන යනාදියත්, ගොඩබිම් ප්‍රවාහනයත් යන ප්‍රවාහන මාධ්‍ය නියාමනය කිරීමේ බලය ජාතික ගමනාගමන කොමිෂන් සභාවට ලබා දීමට ඉදිරිපත් කළ යෝජනාවට 2022-09-22 දින පැවති අමාත්‍ය මණ්ඩල රැස්වීමේ දී අනුමැතිය හිමිව තිබේ.
