නීරෝගී සම්පන්න ජනතාවක් උදෙසා පාරම්පරික වෛද්‍ය උරුමයක් වන අත් බෙහෙත් ප්‍රචලිත කිරීමේ වැඩපිළිවෙළක් සහ කැලණිය ප්‍රාදේශීය ලේකම් කොට්ඨාසයේ ජනතාව දැනුවත් කිරීමේ වැඩසටහනක් කැලණිය ප්‍රාදේශීය ලේකම් කාර්යාලයේදී දේශීය වෛද්‍ය රාජ්‍ය අමාත්‍ය නීතීඥ සිසිර ජයකොඩි මහතාගේ ප්‍රධානත්වයෙන් ඊයේ (25) පැවැත්විණ.
දේශීය වෙදකමේ වැදගත්කම පිළිබඳ දැනුවත් කිරීමේ විශේෂ දේශන මෙන්ම නීරෝගී සම්පන්න ජීවිතයකට අත්‍යවශ්‍ය උපදෙස් හා මගපෙන්වීමත් අත් බෙහෙත් භාවිතයේ වැදගත්කම පිළිබඳව මෙහිදී ජනතාව දැනුවත් කිරීම සිදුවිය.
බෝවන හා බෝනොවන රෝගවලින් ජනතාව ආරක්ෂා කර ගැනීමේ අරමුණින් මෙම පුළුල් වැඩපිළිවෙළක් දීප ව්‍යාප්තව මේවන විට ක්‍රියාවට නංවා ඇත.
ජනතාවගේ නීරෝගී සුවය උදෙසා මෙම වැඩපිළිවෙළ කැලණිය ආයුර්වේද සංරක්ෂණ සභාවේ දායකත්වයෙන් ක්‍රියාවට නැංවීය .
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
